O UNIV naceu en 1968 co obxectivo de permitir que cada ano preto de 1.000 mozos poidan vivir unha experiencia de impacto profundo, de onde nacen e crecen ideas, como consecuencia do contacto co patrimonio cultural, espiritual e artístico que custodia a cidade de Roma.

    Un dos retos da universidade -ademais de ofrecer unha adecuada formación técnica nas diversas disciplinas- é axudar aos estudantes para madurar sólidos hábitos de rigor intelectual e facer que sexan capaces de enfrontarse coas grandes cuestións da vida humana, do progreso científico e cultural, da relixión, da economía e de moitos outros ámbitos.

     O UNIV Congress quere poñerse ao servizo deste insubstituíble papel que a universidade xoga no progreso da sociedade. Aspira a ser un punto de encontro para a comunicación e o debate universitario, favorecer o diálogo sobre as principais cuestións que afectan á persoa e á cultura do noso tempo.